Die Pretoria Mannekoor    |    The Pretoria Male Choir

Pretoria Mannekoor

Geskiedenis    |    Koorlede    |    Kontak

Geskiedenis

Die koor is in 1995 gestig deur Hennie Mentz as voorsitter, Salome Hendriks as dirigent en Marina Mentz as begeleidster. Vanaf 2001 tot 2007 het Margie Spaumer, vorige dirigent van die SAP Mannekoor (1986 - 1992), as dirigent opgetree. Vanaf 2008 neem Marina Mentz die leisels oor as dirigent (2008 tot op hede) met Jaco Prinsloo as begeleier (2008 tot 2013) en Stephan Gericke (2016 tot op hede).

Die koor is daarop ingestel om die vreugde van koorsang uit te dra en ons spits ons toe op liedere spesiaal gekomponeer vir mannekore asook verwerkings vir mannekoor. Die koor het reeds in sy eerste "nuwe jaar" 'n paar hoogtepunte beleef o.a. konserte in Pretoria, Lichtenburg en Amersfoort, saam met Eddie Davey en sy Musica Festiva span. In sy kort bestaan het die koor aan verskeie mannekoorfeeste deelgeneem en saam met soliste soos Rudi Neitz, Daniël Verster, Rocco de Villiers, Hannetjie van Zuydam, Mimi Coertze, Heinz Winckler en Nadine opgetree. Die koor tree ook gereeld op uitnodiging by aftree-oorde en tydens eredienste in kerke op. Optredes word in oorleg met die betrokke predikant beplan sodat dit 'n integrale deel van die liturgie vorm.

Die koor het reeds 4 CD's uitgereik met 'n verskeidenheid werke op van Schubert, Chris Lamprecht en vele meer.

In die afgelope paar jaar het die koor opgetree in Pretoria, Alberton, Boksburg, Brakpan, Bronkhorstspruit, Groblersdal, Hartbeesfontein, Kemptonpark, Oudtshoorn, Rustenburg, Sun City en Wes-Rand. Daar is gereelde deelname aan koorfeeste o.a. onder leiding van Bennie Bierman en Richard Cock. Daar was ook heelwat optredes by aftree-oorde, kerkfeeste en herdenkings sowel as reünies.

In 2012 het die koor deelgeneem aan 'n opera uitvoering van Faust van Gounod aangebied in die Brooklyn teater in Pretoria. In 2013 het die koor deelgeneem aan die Klein Karoo Nasionale Kunstefees (KKNK) in Oudtshoorn.

Die koor ontvang talle uitnodigings om ook op die platteland op te tree en poog om soveel as moontlik van hierdie uitnodigings te aanvaar en sodoende ook die vreugde van koormusiek buite die grense van Pretoria uit te dra.

Vir die nuutste uitvoerings, besoek gerus ons Facebook blad.         

Koorlede

Die lede van die Pretoria Mannekoor in 2016, volgens stemgroep is:

Dirigent Begeleier
Marina Mentz Stephan Gerecke
Tenoor I Tenoor II Bas I Bas II
Johan Coertzen Christo Du Plessis Pieter Engelbrecht Hennie Greyvenstein
Hannes de Wet (Tesourier) Strubel Hofmeyer Craig Jacoby Richard Hudson
Francois Fourie Deon Main Paul Mardon Quintis Lamprecht
Gerhard Olivier* Otto Nel* Kobie Strydom Jack Loggenberg
Ebert Pansegrouw Andries Steyn Peet Strydom Hennie Mentz (voorsitter)
Nico Swartz Hennie van Heerden Werner Stolze
Vermaak Theo Theo van Zijl Gert Venter
Imre Viljoen*

* Stemleier

Kontak Inligting:

Voorsitter: Hennie Mentz
e-mail: hcmentz (at) yahoo (dot) com
012 991 1056
083 325 5842
Posbus 904-114,
Faerie Glen,
0043

CD verkope: Otto Nel
012 654 8557
083 556 7623
Posbus 12956,
Clubview,
0014